O prazo de participación rematou o 2/04/2015
Tonucci di nos seus libros algo así como que "unha cidade boa para os nenos é unha cidade boa tamén para os maiores". A miña proposta vira ao redor o proxecto "La citta dei bambini" [1], un proxecto internacional que pretende poñer no centro das nosas cidades a mirada do neno para construír un espazo máis axeitado para a crianza, para a vida. Un proxecto político, e non tan só educativo, como lembra Francesco nas súas charlas. Un proxecto político que pretende ampliar a democracia, mudar as institucións municipais, os centros educativos, reformular o urbanismo para crear espazos mais respectuosos coas persoas e mais enriquecedores... crear unha outra cidade posible, coa participación de nenos, nenas e maiores.
O primeiro paso sería adherirse de xeito efectivo ao proxecto internacional e garantir os recursos para unha participación activa no desenvolvemento de medidas relativas ao proxecto, creación de organismos de participación, etc.
Na cidade de Pontevedra temos un bo exemplo a seguir para desenvolver algunhas das medidas pois trátase dunha cidade que destaca internacionalmente na súa aplicación do proxecto iniciado por Tonucci.
+info
[1] http://www.lacittadeibambini.org/