O prazo de participación rematou o 2/04/2015
11
Presentada por Alejandro Lorenzo
(Medida orixinaria do grupo de traballo de programa)

Proposta:

Tendo en conta a difusión deste deporte nos últimos catro anos e existindo unha comunidade organizada de máis de 80 xogadores en activo na cidade repartidos entre a "Liga Galega de Fútbol Gaélico" e "Liga Gallaecia de Futebol Gaélico Misto" propoño a creación ou acondicionamento dun terreo de xogo para a práctica deste deporte.

Aínda que o ideal sería a creación dun campo novo; debida as similaritudes co fútbol inglés ou "soccer", poderíase reutilizar ou combinar ambas disciplinas simplesmente engadindo unhas balizas nas porterías e pintando as liñas no terreo; polo que os custes serían moi axustados.

Esta sinxela medida crearía promoción e difusión deste deporte a nivel  galego e estatal; así como afianzaría a posición da Coruña coma unha das cidades pioneiras e promotoras deste deporte en Europa.

Gústache esta medida para Coruña? Compártea!

1
Comentario de Jorge Diz Pico
O fútbol gaélico é un tren a quentar motores, temos eiquí unha oportunidade de non perdelo! Coruña pode facerse un nome distintivo coa explotación deste deporte.
1
Comentario de Alejandro Lorenzo
Gustaríame que a xente que está votando en contra desta proposta argumentase.

Para que serve esta web?

Para que a cidadanía da Coruña poida contribuír ao programa da Marea Atlántica. Calquera persoa que se rexistre pode presentar aquí a súa proposta, así como debater, valorar, comentar e suxerir melloras a aquelas propostas publicadas.

Como saberemos cales son as propostas mellor valoradas?

Unha vez que te rexistres verás que cada poroposta ten dous botóns “A favor” e “En contra”. É moi importante que establezas desta maneira que propostas apoias e cales non che gustan. Deste xeito os contidos filtraránse e poderemos ver o que resulta máis importante para toda a xente que participa neste espazo.

Por que algunhas propostas teñen o logo da Marea Atlántica?

Son propostas que se traballaron nos últimos meses desde o “equipo de programa” xunto coa cidadanía da Coruña, entidades sociais, equipos técnicos, … Ao ser propostas con un certo traballo detrás pensamos que deben ter unha marca que as identifique.

Borrades propostas ou comentarios?

Isto non é un foro de debate xenérico, é unha plataforma de discusión e elaboración de propostas para mellorar a nosa cidade.
Un equipo con varias persoas adícanse á moderar e coidar o bo funcionamento da plataforma. Eliminaranse os envíos que consideremos troleo ou que conteñan insultos.

Consulta outras medidas na mesma categoría: deporte

11
11
10
11
11
10
10
11
11
10
11
11